bande

Bande, f. penac. Aucuns escrivent Bende, mais est prononcé par a obscur, selon la regle de la voyele e, quand elle est en mesme syllabe avec la consone n, horsmis és tierces personnes plurieles des verbes, et signifie proprement une piece de quelque estoffe que ce soit, longue et estroitte, Fascia. Selon ce on dit, Une robe bandée de velours, satin, taffetas, toile d'or ou d'argent. Et en fait d'armoiries, une Bande est celle qui estant plus large que n'est le baston, ne la cotice, descend par travers de la teste au fonds de l'escu. Et en cas d'embattage de roües, Bande est la piece de fer de la largeur du dos de la roüe, laquelle est cloüée à clouds de bande sur le dos de ladite roüe. Et entre Chirurgiens, Bande est le drappeau taillé long et estroit, dont ils bandent les medicaments par eux appliquez aux blessez et malades, dont les diminutifs sont Bandeau et Bandelette. Et parce qu'anciennement, comme fait-on encores, les Ensegnes des gents de guerre, estoient faites de plusieurs telles bandes de diverses couleurs, cousues ensemble, dont paradventure sont venus les mots de Bandiere et Banderole (si mieux on n'aime que l'un et l'autre descendent de Ban) on appelle Bande en fait militaire, la compagnie de soldats assemblée et marchant sous une telle bandiere, dont vient par composition le verbe desbander, et cette maniere de parler, à la desbandée, comme quand on dit, Ils se sont desbandez, et marchent à la desbandée, c. sans suivre leur Ensegne. Et par translation on appelle Bande, quelque compagnie que ce soit d'hommes ou de femmes, ou d'eux deux ensemble, quand ils vont en trouppe, comme, Voila belle bande, et, Ils sont belle bande, c. belle compagnie. Et par mesme figure dit-on quelques-uns s'estre bandez contre un tel, c. conjurez, qui ont promis ensemble une ligue et faction au prejudice d'un tel, Coniurati, parce que comme l'homme de guerre se venant mettre sous une Bandiere et Ensegne, fait serment de n'abandonner sa Bande, marcher et combattre à outrance en icelle: ainsi ceux qui se bandent (c'est à dire, qui se mettent de compagnie, comme s'ils devoient marcher sous une Ensegne) contre aucun, se font le serment l'un à l'autre de ne s'abandonner, ce que le mot Latin Coniurati importe.

La bande joyeuse, Thiasus hilaritatis, Thiasotae hilarium.

Qui sont de la bande joyeuse, Synthiasotae hilaritatis. B.

Bande d'hommes, Grex hominum, Caterua, atque conuentus.

Bande et compagnie tres-courtoise des poursuivans, Officiosissima natio candidatorum.

Bande de gens de guerre, Copia et Copiae.

Petite bande de gens de guerre, Copiola.

Une bande de gens de pied, Peditatus, Caterua.

Une bande de gens à pied des plus gentils compagnons qui fussent en tout l'ost des Romains, qui estoient gardez pour les derniers mets, si les deux premieres bandes estoient deffaites ou repoussées, Triarij, triariorum.

Bande de gens-d'armes, Turma.

Une bande de dix hommes, Decuria.

Une bande de gens de guerre contenant 1250. hommes, Cohors.

Une ancienne bande de gens de guerre des plus robustes, comme de l'aage de trente à trente cinq ans, Principia, plurale.

La bande de quelque Capitaine, ou toute une armée, Manus.

Les bandes des legions, Legionariae cohortes.

Les cinq bandes des hommes d'armes Romains assistans pour conseil aux magistrats Romains cognoissans des causes criminelles, Decuriae.

Qui est d'une mesme bande, Turmalis.

De sa bande, Ex suo numero.

Ceux de la bande, Gregales tui.

Qui est de la bande ou compagnie, Manipularis.

Qui estoient de la premiere bande, Classici.

Qui estoit de la seconde bande apres Crassus, Qui erat M. Crassi quasi secundarius.

Couché au rolle de la bande, Centuriatus.

Une armée sur la mer, partie en deux bandes, Bipartito classis distributa.

Distribuer en cinq bandes, In quinque classes distribuere.

Enroller aux bandes, In numeros referre.

Il n'est pas encore enrollé aux bandes, Neque adhuc nomen eius in numeros relatum est.

Distribuer par bandes, Centuriare.

Desployer ses bandes, et mettre en ordonnance, Explicare agmen dicuntur imperatores.

Se diviser et faire bande à part, Secedere, Secessionem facere.

Par bandes, Castellatim, Cateruatim, Manipulatim, Turmatim.

Par petites bandes, Cuneatim.

Mettre par bandes et enroller des serfs, Seruorum vicatim tota vrbe celebrare descriptionem.

Mis par bandes, AEquati numero.

Ordonner par bandes, Distribuere in numeros.

Apres qu'ils estoient assemblez et ordonnez par bandes, Vbi ad decuriatum aut centuriatum conuenissent.

Diviser et rediger par bandes, Decuriare.

Une bande et ligue, Factio.

Une bande ou ruben de teste, Vitta.

Une bande ou bandelette, comme celle dequoy on lie les petis enfans, Fascia.

Bandes de fer crochues par le bout, Hami ferrei.

Bande qu'on met autour d'un habillement, Limbus.

Thresor de la langue françoyse. Jean Nicot.